我終於意識到，自己真係好耐無寫過文。（…）
我甚至懷疑人一生之中最長無留下片言隻語既時段，就係最近呢年幾（巴塞 Rule：放左喺 Telegram Group 果啲唔計啦 OK）。我亦都無想像到原來日子碌下碌下，我上一篇喺 Medium 發表既文章已經係 2021年9月。
無寫文，有好多原因。
有一啲之前已經解釋過，我就唔再重覆喺度企圖俹字數。另外一啲比較重要既，從未曾有機會喺呢度細講，老皮老臉咁幫自己開脫的話，當然會話「時機未到」。當然究竟「時機」幾時先黎，可以一五一十咁樣娓娓道來，連我自己都想像唔到，可能好多野都需要慢慢沉澱再轉化，直至一堆堆亂七八糟既野慢慢有條理地變左石油同頁岩氣，先可以重新提取出黎再鍊成有意義既野。